Todos estamos involucrados no mundo da educación: A administración e os administrados, os mestres e os nenos; os pais de familia... e todo o mundo, porque a educación non radica só nos centros educativos ou na familia, senón que -en todo momento- todo contribúe a educarnos nun labor sen tempo que tan ben souberon definir os nosos devanceiros afirmando que "está un morrendo e está adeprendendo".

Educación Galega pretende colaborar neste labor permanente apoiando o traballo de todos, acollendo opinións/colaboracións sobre temas educativos, e sobre todo abrindo portas ás que asomarse para ollar e para intervir, para ensinar e para aprender.

Os centros educativos son como os nervios que conforman o sistema intelixente dun país... os lugares onde se transmiten os coñecementos ás novas xeracións que se incorporan.

Para manter vivos estes datos dos centros educativos de Galicia, pedimos a tódolos centros que indiquen as inexactitudes que poidan apreciar, ou calquera dato que consideren de interese incluir.